Tel.: 689 091 841


Nor Gara

Hitzez Elkartea Gipuzkoako Urola Kostako bost emakume baserritarrek sortu zuten 2007. urtean. Elkarte honen helburu nagusia landa-inguruneko emakumeen osasuna hobetzea da. Horretarako formakuntza, partehartze, eztabaida eta hausnarketarako esparru propioak sortzen ditu.

Historikoki, landa-inguruneko emakumeek ez dute baserrian duten eginkizunen inguruko bizipen, zailtasun, beldur, poz eta antsietateak adierazteko lekurik izan. Badakite euren lana baserriko familia-kideen zainketa dela, baina kasu askotan, ez dute euren burua zaindu eta nekeaz eta ahulduraz at mantentzeko beharraren kontzientziarik, baserriko eguneroko lana dela medio.

Testuinguru horretan sortu da “Hitzez”, landa-inguruko emakumeei zuzenduriko Elkarte independentea, honakoak ezarririk zutabe moduan:

1. Emakume baserritarren arteko topaketa eta elkarrizketa sortzea eta dinamizatzea.

2. Emakume baserritarren arteko elkarrekintza-harremana bultzatu eta pertsonalki sendotzen laguntzea.

3. Familiaren eta gizartearen errealitatea azterketa eta hausnarketa bultzatzea eta alternatiba berriak bilatzen laguntzea.

4. Osasunaren edo oreka-bio-psiko-sozialaren inguruko gaien kontzientziazio-heziketa bultzatzea.

5. Nekazal guneetako emakume eta gizonezkoen berdintasunerako lan egitea.

Helburu hoiek betetzeko asmoz, hainbat ekintza garatzen ditugu, hala nola, hitzaldiak, lan-taldeak, laguntza-taldeak eta tailerrak, osasuna, soziologia eta zuzenbidea bezalako arloetan gaitutako pertsonek koordinatuak betiere.

Bestalde, Elkarteak hainbat jardunaldi, Entitate eta Instituziorekin elkarlanean jarduten du, landa-inguruneko emakumeen integrazio, dinamizazio eta partehartzea bultzatuz, eta Elkartearen lana arlo ezberdinetan ezagutzera emanaz.


Back to Top ↑
  • HIZKUNTZAK

  • HURRENGO EKITALDIAK

  • 2021 urteko egitaraua

    2021 urteko egitaraua
  • Hitzez zuregandik gertu

    Zure beharrei erantzuteko telefono berria 623068983

    Garai zail eta ilunak bizi baditugu ere, guztiok elkarrekin aurrera egingo dugu.

    Orain inoiz baino gehiago, Hitzez Elkarteak, zuen, nekazarion, alboan egon nahi du. Hori dela eta, telefono zerbitzu berri bat jarri dugu martxan, eguneroko kezka edo arazoei irtenbidea ematen laguntzeko batetik, edota enpresa ideiaren bat baduzu beharrezko aholkularitza eskaintzeko bestetik. Kontsulta guztiak anonimoak izango dira.